Tshimologo le Dikgosi Tsa Bogologolo

Metso ya Barolong e simologile ka Kgosi Morolong, yo o neng a busa mo e ka nnang ka 1240 e bile e le ene mosimolodi wa morafe ono. 

O ne a tsaya Tholo, e leng Kudu, gore e nne letshwao la Barolong. Leina la morafe ono le tswa mo kgosing eno ya bogologolo. 

Kgosi Tau, setlogolwana sa ga Kgosi Morolong, o ne a nna kgosi mo e ka nnang ka 1660. 

E re ka Tau a ne a itsege e le kgosi ya motlhabani, o ne a nna le seabe se segolo mo go nonotsheng lotso lwa Barolong, a dira gore e nne bogosi jo bo maatla. 

Puso ya gagwe e ne e na le dintwa tse dintsi le losika lo logolo, a na le barwa ba le banè ba ba tlhomologileng: Ratlou, Tshidi, Seleka, le Rapulana. 

Maina ano moragonyana a ne a tshwana le maina a ditso tsa morafe wa Barolong.

• Source:  aiart.africa

• Translator: Onkarabile Manganye