Bana le Batsadi: Kgomo mogobeng e wetswa ke namane

Ka dinako tse dingwe batsadi ba tsena mo mathateng ka ntlha ya bana ba bone.

Ka gonne ditiro tsa bana di ka nna le diphelelo tse di masisi mo lelapeng lotlhe.

Fa ngwana a dira phoso, a tlola molao, kgotsa a itshwara ka tsela e e sa siamang.

Gantsi ke batsadi ba ba tshwanetseng go araba dipotso, go duela madi a kotlhao, kana go lebana le katlholo ya setšhaba.

Seno se ka dira gore ba gatelelwe thata mo maikutlong e bile se ka nna sa senya le leina la lelapa.

Batsadi ba na le boikarabelo jwa go kaela le go ruta bana ba bone.

Mme lefa go ntse jalo batsadi ba dira bojotlhe jwa bone.

Bana ba ka nna ba dira ditshwetso tse di ka dirang gore ba nne le mathata.

• BUISA GAPE: Ngwao ya go lwa ka dithobane mo baaging ba BaNguni

Boemo jono bo re ruta botlhokwa jwa go buisana le ba bangwe ka kgololesego.

Go tlhoma melelwane e e utlwalang, le go nna le seabe mo matshelong a bana ba rona.

Kgabagare, ditiro tsa ngwana di ka ama batsadi ba gagwe thata.

Ebile di bontsha kafa malapa a amanang thata ka teng.

Thanolo ka ga: Onkarabile Manganye